"Бұл сайысқа қатыспағаны дұрыс еді": Рыбакина Берлиндегі турнирде жеңіліп қалды
Қазақстанның бірінші ракеткасы Елена Рыбакина Берлинде өтіп жатқан WTA 500 турнирінің екінші айналымында жеңіліп қалды. Бұл туралы Stan.kz ақпарат агенттігі хабарлайды.
Рыбакина екінші айналымда хорватиялық Донна Векичке қарсы ойын өткізген. 2 сағат 14 минутқа созылған матч 6:7, 6:3, 6:4 есебімен аяқталды.
Przegląd Sportowy басылымының журналисі Мацей Требски қазақстандық теннисшінің жеңілісіне қатысты пікір білдірді.
"Бұл сайысқа қатыспағаны дұрыс еді. Рыбакина бірнеше күн ауырып, қайта қалпына келу үшін тағы бірнеше күн керек болды. Меніңше, "Уимблдонға" жақсы формада келеді. Себебі бұл корттар Рыбакинаның стиліне жақын", – деп жазды ол.
Айта кетейік, Францияның ашық чемпионатында Рыбакина денсаулық жағдайына байланысты жарысты жалғастырудан бас тартқан еді.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды