Бұл отбасындағы адамдардың әрқайсысының 12 саусағы бар (фото)
Бұл отбасы басқаларына қарағанда ерекше. Себебі, отбасының әр мүшесінің 12 саусағы бар. Иә, Чудхари отбасы мұны Жаратқанның сыйы әрі қарғысы деп біледі.
Бұл туралы metro.co.uk басылымы хабарлайды.
“Мұны Жаратушының сыйы деп білемін. Бекерден бекер біздің әрқайсымыздың 12 саусағымыз болуы мүмкін емес. Бәлкім Құдай бізге бір нәрсе айтпақ болған болар”, – дейді Ситбиа Чудхари. Отбасында жалпы 25 адам бар. Олар Үндістанның Бихар аймағында тұрып жатыр.
Алайда бұл бойжеткеннің ағасы мүлдем басқаша ойлайды. Оған керісінше саусағының көп болғаны ұнамайды екен. “Әкем мен атамда 24 саусақтан бар. Қарындасымыз екеуімізде де дәл осылай. Осының салдарынан біздің бала-шағамыз жапа шегіп жатыр. Артық саусақ маған еш кедергі жасамайды.
Алайда балаларым мен немерелерім өздерін жайсыз сезінеді. Кей жігіт пен қыз саусақ санына бола менің балаларыммен көңіл жарастырудан бас тартқан болатын”, – дейді 50 жастағы Кришна Чудхари.
Отбасы мүшелері, әсіресе, аяқ киім сатып алатын кезде қатты қиналады екен. Кейбіреуінде полидактилия деп аталатын ауру бар. “Әрине, физикалық тұрғыдан артық саусаққа бола оларда қосымша қиындықтар болады. Бірақ, олар психологиялық тұрғыдан он есе қатты қиналады”, – дейді дерматолог Айш Гупта. Артық саусақты отаның көмегімен алдырып тастауға болады. Алайда отаның құны тым қымбат.
Жіберіп алмаңыз:
“Құбыжық” қызға жасалған ота сәтті өтті (фото)
62 жастағы миллионерге тұрмысқа шыққан 27 жастағы модель той суреттерін көрсетті (фото)
Төртеу және одан көп: Көп балалы қазақстандық танымал отбасылар (фото)