Бүгін футболдан УЕФА Чемпиондар лигасының топтық кезеңдегі соңғы тур ойындары өтеді

Футболдан клубтар арасындағы Еуропаның ең беделді жарысының топтық кезеңдегі 8-тур ойындары бір уақытта басталады. Бұл туралы Stan.kz ақпарат агенттігі хабарлайды.

Фото: UEFA

Еуропа футбол қауымдастықтарының одағы (УЕФА) бұл турнирді 1955 жылдан бері ұйымдастырып келеді. Биылғы жылдан бастап жаңа ережелермен басталған Чемпиондар лигасының соңғы туры бір уақытта басталады. Өйткені, осы маусымда Еуропаның 36 үздік клубы бір турнирлік кестеде өнер көрсетуде. Бұған дейін, ескі ережеде 8 топта 4 командадан 32 клуб ойнайтын еді.

8-тур нәтижесінде кестедегі алғашқы 8 команда плей-офф ойындарына тікелей жолдама алады. Ал 9-24 орындағы командалар 1/8 финалдың қалған 8 орнына таласу үшін өтпелі ойын өткізеді.

Осылайша қаңтардың 29-нан 30-на қараған түні елорда уақытымен түнгі сағат 01:00-де Еуропаның 18 қаласында 36 команда ең беделді бәсекенің плей-офф кезеңіне шығу үшін топтағы соңғы ойынын өткізеді.

Олай болса бүгінгі ойындар тізбегін назарларыңызға ұсынамыз:

"Астон Вилла" – "Селтик"
"Байер" – "Спарта Прага"
"Боруссия Дортмунд" – "Шахтер"
"Янг Бойз" – "Црвена Звезда"
"Барселона" – Аталанта"
"Бавария" – "Слован Братислава"
"Интер" – "Монако"
"Ред Булл Зальцбург" – "Атлетико Мадрид"
"Жирона" – "Арсенал"
"Динамо Загреб" – "Милан"
"Ювентус" – "Бенфика"
"Лилль" – "Фейеноорд"
"Манчестер Сити" – "Брюгге"
“ПСВ Эйндховен” – "Ливерпуль"
"Штурм" – "Лейпциг"
"Спортинг" – "Болонья"
"Брест" – "Реал Мадрид"
"Штутгарт" – "Пари Сен-Жермен"