"Литрі 102 теңге": 1 ақпаннан бастап Қазақстан қалаларында сұйытылған газ бағасының қаншаға өсетіні белгілі болды

Энергетика министрі ел аумағындағы автогаз құю станциялары үшін сұйытылған мұнай газының шекті бағаларын бекітті. Енді Қазақстанда автогаз бағасы 1 ақпанынан бастап көтеріледі. Бұл туралы Stan.kz ақпарат агенттігі хабарлайды. 

Фото: Freepik.com

Министрлік қаулыны 2025 жылғы 29 қаңтардағы бұйрықпен бекітті.

Онда автомобиль газының құны мынадай:

• Астанада – литрі 102 теңге (қазір 82 теңге);
• Алматыда – литрі 102 теңге (қазір 89 теңге);
• Ақтөбе, Атырау облыстарында – 77 теңге (қазір 59 теңге);
• Ақмола, Алматы облыстарында – 102 теңге (қазір 84 және 89 теңге);
• Шығыс Қазақстан, Қостанай, Қарағанды, Жетісу, Ұлытау және Абай облыстарында – 102 теңге (қазір 84 теңге);
• Жамбыл облысында – 90 теңге (қазір 78 теңге);

• Атырау мұнай өңдеу зауытына қатысты тергеу басталды

• Қазақстанда бензин бағасының өсуі: Көліктерді газға көшіру қаншалықты тиімді

• Батыс Қазақстан облысында –  77 теңге (қазір 70 теңге);
• Қызылорда облысында – 90 теңге (қазір 70 теңге);
• Маңғыстау облысында – 65 теңге (қазір 59 теңге);
• Павлодар облысында – 102 теңге (қазір 81 теңге);
• Солтүстік Қазақстан облысында – 102 теңге (қазір 89 теңге);
• Шымкент және Түркістан облысында – 90 теңге (қазір 70 теңге).

Министрліктің бұйрығы 1 ақпаннан бастап қолданысқа енгізіледі.

Еске салсақ, бұған дейін Қазақстанда жанармай мен сұйылтылған газ бағасы ақпаннан бастап көтерілетінін хабарлаған едік.