Кинодағы актердің образы - Американы аралайтын қазақ журналисі жайлы. Борат Сағдиевтің образы Саша Барон Коэнге үлкен атақ әкелді. Алайда қазақстандықтар Коэннің халықты қалай көрсеткеніне наразы болды. Актер өз фильмінде нағыз Қазақстанды емес, дәл осындай атаумен ойдан шығарылған елді бейнелегенін мәлімдеді, бірақ қазақстандықтар жадында фильмнің жағымсыз әсері әлі де сақталып қалды.

Биылғы "Алтын глобус" номинанттары белгілі болғанда, "Борат 2" фильмі 3 категория бойынша сыйға ұсынылды. Нәтижесінде екеуінен жеңімпаз атанды. АҚШ-тағы қазақ диаспорасының (Диаспора дегеніміз не?) бір бөлігі "Алтын глобус" басшылығына Коэнді нәсілшілдік үшін айыптап, фильмді номинанттар тізімінен шығаруды сұрады. Алайда актер өз кезегінде тек жымиып, қалжыңға айналдыра берді.

"Маған Қазақстан халқы әзіл түсінетін ел, Боратты қуанышпен қабылдағанын айтты, - деді Саша Барон Коэн ресейлік "Известия" газетіне берген сұхбатында.

"Қазақтың қонақжайлылығын, кең байтақ даласын көрсетсін": Алматыда наразы жұрт Боратты табытқа салды

Саша Барон Коэн Қазақстанға баруға жоспарда бар ма деген сұраққа: "Егер шақырса, мен қуана-қуана барамын", - деп жауап берді ол.

"Айыпталушы болу - сатириктің жұмысының қалыпты бөлігі. Барлық сот бұл талаптарды қабылдамайды, өйткені кез келген елдің заңдарына сәйкес сатириктер сотталмайды. Біздің мамандығымыз — сатира жасау. Ол заңды түрде жұмыс істейді. Оның тіпті салық коды бар. Егер сатириктер сатира жасауды тоқтатса, онда олар салықты қалай төлейді? Жоқ, мен сот процесінен қорықпаймын. Керісінше, мені біреудің сезімін қорлағаны үшін жауапқа тартуға тырысқан сайын, фильм соғұрлым сәтті болады", - дейді Саша Барон Коэн.

Талқылау