Блогер Сәкен Қағаров пен актриса Айжұлдыз Адайбекованың үйлену тойы қашан өтетіні белгілі болды

Блогер Сәкен Қағаров пен актриса Айжұлдыз Адайбекова үлкен тойды қай уақытта жасайтынын айтты. Бұл туралы Stan.kz ақпарат агенттігі хабарлайды. 

Фото: Жеке парақшадан алынды

Желі жұлдызы блогер-журналист Бейбіт Әлібековке сұхбат беріп, жоспарларын бөлісті.

"Жарнамалардың бірінде Айжұлдызды көріп, ғашық болдым. Оның бұрын ажырасқаны және баласы бар екені мені мүлде қызықтырған жоқ. Керісінше, болашақта тағы бір сәби сүйсек, екеуі бір-біріне серік болады. Айжұлдыз екеуміз былтыр күздің соңыннан бері осы үйде бірге тұрып жатырмыз. Оның өз пәтері бар екенін де айту керек. Қыста неке қидырдық. Енді көктемде, мамыр айында үлкен той жасаймыз", – деді спортшы-блогер. 

• "Анасы дүниеден өтті": Жанар Айжанова қызы Айжұлдыздың ұзату тойына қатысты пікір білдірді

• "Тұқым қыздан тарайды": Жанар Айжанованың немере мен жиенге қатысты пікірі қоғамда дау туғызды

Одан кейін жұлдызды енесі әнші Жанар Айжановаға қатысты да пікір білдірді. 

“Ол кісінің шай шығару бизнесі басталып жатқанда таныстық. Айжұлдыз мені сол жаққа ертіп барды. Басында қатты қобалжығаным рас. Бірақ уақыт өте келе тез тіл табысып кеттік. Бізге үнемі қолдау білдіріп, мақтап отырады. Маған да “Жарайсың, балам!” дегенді көп айтады”, – деді блогер. 

Еске салайық, Айжұлдыз Адайбекова ұзатуына не себепті өнер адамдарын шақырмайтынын түсіндірген еді.