Облыс әкімі Алтай Көлгіновты балақайды жеке өзі қабылдап, әкімнің кабинетімен таныстырды. Сондай-ақ, Шыңғыстың нумизматикаға қызығатынын да ескеріп, оған әртүрлі елдердің банкноттары мен тәуелсіздіктің 25 жылдығына арнап шығарылған монета мен түрлі сыйлықтарды табыс етті.

20161230113430

Орал қаласындағы №19 орта мектептің 3 “д” сыныбында оқитын Шыңғыс Сәпиев Аяз атаға: “Ең қызығы, менің туған күнім – 31 желтоқсан. Биыл мен 9-ға толамын. Жүре алмасам да, күнде қоларбамен мектепке барып оқимын. Сабағымның барлығы – 5. Бос уақытымда ментальды арифметика, қолөнермен айналысамын және менің хоббиім бар. Ол нумизматика, яғни көне және темір ақшаларды жинаймын. Аяз ата, армандардың орындалатынына сенемін. Болашақта өзімнің жүріп кететініме де сенемін. Сондықтан сізден сұрайтын бір өтінішім бар. Ол – облыс әкімі Алтай Сейдірұлы Көлгіновке барып, кездесіп, қалай жұмыс істейтінін және әдемі әкімдіктің ішін көргім келеді”, – деп жазған болатын.

Шыңғыстың мұғалімі Раушан Шайхуалиеваның айтуынша, бала мүмкіндігі шектеулі болғанына қарамастан түрлі үйірмелерге қатысып, сабағын тек “беске” оқиды екен. Ал анасы Мәриям мұғалім болғанымен, қазір Шыңғысқа қарап оның күтімімен отыр екен.

20161230113409

“Жаңа жыл алдында баламды қабылдап, қуантқан облыс басшысына шынайы ризашылығымды білдіремін. Бәрі жақсы болды. Өзім бұрынғы ішкі істер органының қызметкері ретінде қазір зейнеттемін. Қызым Әсел М.Өтемісов атындағы Батыс Қазақстан мемлекеттік университетінің дизайн мамандығына екінші курста оқып жатыр. Біздің бар ойлайтынымыз – осы баламыздың болашағы. Денсаулығы түзеліп, қатарға қосылып кетсе дейміз”, – деді әкесі Еркін Елеуішов.

Оқи отырыңыз:

ҰҚК-ның экс-басшысы мемлекеттік құпияны жария етті деп күдіктелуде

Ақтөбеде жаңа жылдық шырша мен қаланы безендіруге 56 миллион 700 мың теңге бөлінген

«Музарт» тобының ізбасарлары алғашқы өнерлерін елбасының алдында көрсетті

Талқылау