Білім министрі ата-аналардың шағымынан соң оқу гранттары қайта қаралатынын мәлімдеді
Білім және ғылым министрі Ерлан Сағадиев биылғы ұлттық бірыңғай тестілеуден жоғарғы балл жинап тұрып, оқуға түсе алмай қалған бірсыпыра талапкерлердің ата-аналарымен кездесті.
Себебі олар кеше ғана өз наразылықтарын білдірген еді. Әсіресе, медицина саласын таңдаған талапкерлер алаңдаулы. Ата-аналар бюджеттен қарастырылған білім гранттары әділетсіз бөлінген деп есептейді, деп хабарлайды 24 арна.
Себебі, білім грантынан қағылғандардың дені – «Алтын белгі» иегерлері. Айта кетейік, биылғы оқу жылына мемлекеттен 37 932 білім гранты бөлінген болатын. Наразы топпен кездескен министр әрбір арыз-шағым жеке қаралады деп сөз берді.
“Біз барлық арыз-шағымды жеке-жеке қарап, «Алтын белгі» иегерлері үшін жаңа тізім жасаймыз. Олардың барлығы жоғарғы оқу орындарындағы резервпен қаржыландырылады. Бірақ шағымданушылардың барлығын бірдей грантпен қамтимыз деп айта алмаймыз. Бірақ барынша жоғарғы оқу орындарының ректорларымен келісім жасауға тырысамыз”, – дейді ҚР Білім және ғылым министрі Ерлан Сағадиев.
Тағы да оқыңыз:
Бір тәулікке 34 мың теңге: Серік Сәпиев Астана әуежайының автотұрақ бағасын сынға алды
Қазақ азаматы ауылдастарының шайтанды қалай ұстап алғанын айтып берді (видео)
Жетісайдан Астанаға жеткізілген 35 мың тонна қарбыз ішінен улы құрт шықты (видео)