"Билігімді НАТО-ға айырбастауға дайынмын": Зеленский отставкаға кетуге дайын екенін мәлімдеді
Украина президенті Владимир Зеленский отставкаға кетуге дайын екенін мәлімдеді. Бұл туралы Stan.kz ақпарат агенттігі хабарлайды.
Зеленский оның президенттіктен кетуі елдің қауіпсіздігіне кепілдік беріп немесе Украинаның НАТО-дағы орнын қамтамасыз етсе, отставкаға кетуге дайын.
"Егер бейбітшілік үшін менің кетуім қажет болса, мен дайынмын. Мен билігімді НАТО-ға ауыстыра аламын", - деді ол.
Ол ондаған жылдар бойы билікте отыруды мақсат етпейтінін айтты. Сөзінше, Украинадағы әскери жағдай аяқталғаннан кейін сайлау өтеді.
Зеленский Дональд Трамп соғысты тоқтатуға көмектеседі деп сенеді.
"Мен Трамптың біз жақта болғанын қалаймын. Жай ғана медиация емес, өйткені бұл жеткіліксіз деп ойлаймын", – деді Украина президенті.
Ол Украинаның АҚШ алдындағы қарызын мойындамайды, өйткені бұл Вашингтоннан Киевке жіберілген көмек грант дейді.
19 ақпанда Трамп Зеленскийді елде президент сайлауын өткізуден бас тартқаны үшін диктатор деп атады. 2022 жылдың ақпанынан бастап күшіне енген әскери жағдайға байланысты елде сайлау өткізілген жоқ. Сонымен бірге Трамп Зеленский АҚШ-ты қақтығысқа 350 миллиард доллар жұмсауға көндірді деп мәлімдеді. Зеленскийдің айтуынша, АҚШ Украинаға шамамен 100 миллиард доллар жіберген.
Ақпанда Трамп АҚШ-тың көмегін Украинадан келетін сирек жер металдарына айырбастауды ұсынды. АҚШ президентінің Украина бойынша арнайы өкілі Кит Келлог Трамптың алдымен Украинадағы әскери әрекеттерін тоқтатып, одан кейін бейбіт келіссөздер мен Киевпен ресурстар туралы келісімге көшуді жоспарлап отырғанын түсіндірді.