Тоқаевтың тапсырмасымен, 2025 жылы Қатонқарағай, Зайсан және Кендірлі курорттық аймақтарында жаңа әуежайлар салынады. Қазіргі бұл нысандардың жер учаскелерін рәсімдеу және жобалау жүргізіліп жатыр.

Автомобиль жолдары

Сондай-ақ 2030 жылға дейін елімізде көлік инфрақұрылымын жақсарту бойынша ауқымды жоба жүзеге асырылады. Жаңа автожолдардың жалпы ұзындығы 4,7 мың шақырым, оның 3,7 мың шақырымы – І санаттағы жолдар.

2025 жылы келесі ауқымды жобалар жүзеге асырылады:

Қызылорда-Жезқазған (208 км);
Ақтөбе-Ұлғайсын (234 км);
Қарағанды-Жезқазған (572 км);
Сарыағаш қаласы айналма жолы (102 км);
Қызылорда қаласы айналма жолы (20 км);
Қызылорда-Сексеуіл (470 км);
Атырау-Доссор (86 км);
Рудный қаласы айналма жолы (16,9 км);
Жаңаөзен-Кендірлі (156 км);
Петропавл қаласы айналма жолы (8 км);
Түркістан қаласы айналма жолы (29,6 км);
Астана-Қостанай-РФ-мен шекара (830 км);
Шымкент қаласы айналма жолы (48 км);
Атырау-Орал (орташа жөндеу, 516 км);
Атырау-Шапай (136 км);
Алматы-Талғар – Бәйдібек би (68 км);
Алматы-Үшқоңыр (48 км);
Бейнеу-Сексеуіл (736 км);
Жайық өзені арқылы өтетін көпір (6,5 км).

Бұл жобаларды іске асыру үшін жалпы көлемі 9 триллионнан астам теңге инвестиция керек. Қазір инвесторлар тартылып жатыр.

Темір жол және су көлігі

Темір жол көлігі саласында да бірқатар ауқымды модернизация жоспарланып отыр. 2025 жылы 225 жаңа вагон сатып алынбақ.

"Достық-Мойынты" жобасы бойынша темір жол құрылысы аяқталады, осылайша, өткізу қабілеті 5 есе артып, тәулігіне 12-60 пойыз жұбы үздіксіз қозғалады. Сонымен қатар "Алматы айналма жолы" жобасы жүзеге асырылады.

Алматы әуежайы бірқатар рейстердің кешігетінін мәлімдеп, ескерту жасады

Ақтауда құлаған ұшақтың қара жәшігіндегі жазбалар жақында Астанаға жеткізіледі

Сондай-ақ "Достық-Бескөл" және "Мойынты-Балқаш" учаскелерінде қозғалыс ашу жоспарланған. Бұл шешім көрсетілген учаскелердегі пойыз қозғалысын жақсартуға және жүк тасымалы мәселелерін шешуге көмектеседі.

Теңіз көлігі және Ақтау порты

Теңіз көлігін дамыту мақсатында Ақтау портында контейнерлік хаб салу жұмысы басталды. Бұл порттың өткізу қабілетін жылына 240 мың ЖФЭ-ге дейін арттырады. Осылайша, Қазақстанның халықаралық логистикадағы орны нығайып, Әзірбайжан, Грузия және Түркия арқылы өтетін Транскаспий бағытындағы контейнерлер тасымалы көлемі ұлғаяды. Сондай-ақ Қытайдан Еуропаға жеткізілетін транзиттік жүктердің бір бөлігін қайта бағыттауға болады.

Үкіметте портта тереңдету жұмыстарын жүргізу жоспарланғаны айтылды. Бұл оның терминалдық қуаты мен контейнерлерді тасымалдаудың тиімділігін арттырады.

Бұған дейін Алматы-Анталия бағытындағы ұшақ Ақтауға шұғыл қонған еді.

Талқылау