"Бетінен ұрып, ернін жарып жіберген": Ақтөбеде банкоматта кезекте тұрып, әйелді ұрған бойжеткен сотталды
Ақтөбе облысында супермаркетте тұтынушыға шабуыл жасап, оның басы мен бетінен ұрып, ернін жарып жіберген 22 жастағы бойжеткен сотталды. Бұл туралы Stan.kz ақпарат агенттігі хабарлайды.
Фото: changeonelife.ru
Сот мәліметінше, оқиға бірнеше адам тұрған супермаркеттегі банкоматтардың жанында болған. Бір әйел қызға кезекте тұру ережесін сақтауды айтып, ескерту жасаған. Бойжеткен әйелдің ескертуін ұнатпай, оны сауда алаңының кіреберісінде күтіп тұрған. Шыққан соң әйелді ұрып соққан.
Аталған жағдай бойынша сот отырысы өтті. Қызға бұзақылық жасады деген айып тағылды. Ол өз кінәсін мойындап, әйелдің оның қолын көгерткенін айтты.
Зардап шеккен әйелдің айтуынша, оның саудасы бас ауруы және остеохондрозбен аяқталған. Ол емделуге 200 мыңнан астам теңге жұмсаған. Ол айыпталушыдан моральдық шығын үшін бір миллион теңге өндіруді талап етті.
Сот 22 жастағы қызды бұзақылық жасағаны үшін кінәлі деп танып, алты айға бас бостандығын шектеу туралы үкім шығарды. Сотталған қызға жұмыстан кейін ойын-сауық мекемелеріне баруға тыйым салынды. Сондай-ақ жәбірленушіге заң қызметі үшін 800 мың теңге және моральдық шығын үшін 100 мың теңге өтемақы төлеуге міндеттелді.
Айта кетейік, бұған дейін Қызылордада оқушы сыныптасын әжетханаға кіргізіп ұрып-соққаны туралы жазған едік.