Белгісіз адамдар жаза ретінде 6 ұрының қолын шауып, өздерін көшеге тастап кеткен
Мексиканың Халиско штатында жергілікті «кек алушылар» ұрыларды жазалады.
Proceso басылымының мәліметінше, жергілікті «кек алушылар» өздерінше мәселені осылай шешпек болыпты. Өйткені осыдан кейін ешкім ұрлыққа жоламайтын болады.
Белгісіз адамдар 6 ұрыны қолға түсіріп, олардың қолын шауып өздерін көшеге тастап кеткен. Ал, кесіп алған қолдарын пакетке салған.
Тастандылардың жанында хат қалдырып, онда көліктер мен мотоциклдерді ұрлайтын ұрыларды осыла жазалағандары жазылған. Топ белсенділері өздерін «Алаяқтарға қарсылар» деп атаған.
Мәліметке сүйенсек, құрбан болғандардың арасында 5 ер адам, 1 әйел адам бар. Олардың бәрі тірі. Алайда, сұхбат беретін жағдайда емес. Кейбір мәліметтерге сүйенетін болсақ, бір адам оған жасалған шабуылдан қаза болған. Билік өкілдері тергеу жүргізуді бастады.
Жіберіп алмаңыз:
Алматылық қыз тойда төбелескеннен кейін полицияға өзін зорлады деп жалған айтқан