«Exclusive» журналы ұйымдастырған пікірталасқа тарихшыдан бөлек, «Болашақ» қозғалысының мүшесі, тарихшы әрі саясаттанушы Талғат Жанысбай қатысты. Ол атышулы топтың қазақ сахнасында өнер көрсетуіне түбегейлі қарсы екенін білдірді. Айтуынша, “Ninety one” тобының әндерін тыңдап, оларға еліктеген жастардан болашақта мол үміт күтуге болмайды. Себебі 91-лік жігіттер нәзік әрі әлсіз. Оларға ұқсағысы келетін жастар Отан қорғауға қауқарсыз болады. Ал топтың сырт келбеті қоғамда қызтекелердің көбейіп кетуіне, қазақ сахнасында азғындықтың артуына әкеліп соқтыруы мүмкін.

“Ninety one” тобын қолдап жүргендер – 18-20 жасқа дейінгі жастар. Олар өзінің оң-солын танып үлгермеген. Сондықтан олар бұл топтың тигізер зиянын түсінбейді. Бұл топқа қарсы шығып жатқан қоғам қайраткерлері, мәселен ақын Ринат Зайытов ақымақ емес қой. Егер басқа бір көшеде жүрген адам қарсы шықса түсінуге болады. Бірақ ұлттың ішінде ұлттың мүддесін, ұлттың құндылығын ойлатын азаматтар бұл топқа қарсы шығып жатыр. Сондықтан «Ninety one» тобының ұлтқа төндірер қаупі көп. «Еркектің қолы күстенбесе, оны еркек деп санамаймын» деп жазғаным бар еді. Әрбір еркек еркекше киініп, еркекше жүру керек. Тарихтан білетініміздей, бабаларымыз алып тұлғалы, білектің күшімен, найзаның ұшымен ел қорғады. Ал алдағы уақытта “Ninety one” сияқты жігіттер қаптайтын болса, біздің елімізді кім қорғайды?» – деді ол.

Ал Нағашыбай Есмырзаның айтуынша, Ринат Зайытов қарсы шықпағанға дейін, бұл топ қоғамда дау тудырмаған.

«Қазақтың жанып тұрған бес жігіті, сөйлеп тұр, қазақша сайрап тұр, айтатын әндері қандай. Жастар еліктеп кетеді дейсіңдер. Біз де жас болғанбыз. 18-19 жасымда Boney M-нің әндерін тыңдап жүретінбіз. Шаш деген иықтан түсіп тұратын, Beatles ұқсап, балақ деген 30 сантиметр. Жүрдік қой, 1-2 адам емес. Жаппай бәріміз солай жүрдік. Иығымызға магнитафонды тіреп алып тыңдайтынбыз. Сол балалар бұзылып, қазақи құндылықардан айырылып қалған жоқпыз. Осындай топты құрған, қазақ өнеріне жаңашылдық алып келген Ерболат Беделханға рахмет. “Ninety one” жасасын», – деді ол.

Талғат Жанысбайдың айтуынша, қазақты осы күнге дейін ұлт ретінде салт-дәстүрі сақтап тұр. Егер Қазақстан да Еуропа, Америка елдері секілді ұлттық құндылықтарды уысынан шығарып алатын болса, болашақта біздің де әртістеріміз шетелдік Мадонна және т.б. әншілер секілді сахнаға жалаңаштанып шығудан арланбайды. Әлсіз ер азаматтар көбейіп, нәтижесінде қоғамда көгілдірлер қаптап кетеді.

Бұл орайда пікірталасты жүргізген журналист Назира Дәрімбет мынадай қызықты дерек келтірді: Оңтүстік Корея елінде көгілдірлер дейміз, басқа да жыныстық ағымдарға түсіп кеткен халық саны өте аз болып шықты.

Жіберіп алмаңыз:

“Ninety one” тобы халық әнін орындап айды аспанға бір-ақ шығарды (видео)

“Ninety one” әншісі: Сіздердің сөздеріңізге қарсы шыққымыз келмейді (видео)

Сәкен Майғазиев “Ninety one” тобының 9 түрлі жақсы қасиетін атады (видео)

“Ninety one” тобының жанкүйерлері заңсыздыққа қарсы петиция жариялап қол жинауда

Талқылау