Баян Мақсатқызы лифтте көз жұмған тележүргізуші жайлы: Бізде әркім жауапты ісіне немқұрайлы қарайды
Ақтөбеде лифтке қысылып, көз жұмған тележүргізушінің оқиғасы жұртты есеңгіретіп тастады. Жұрт жапа-тармағай әлеуметтік желі арқылы Айзат Әбдісамат туралы естелік жазбаларымен бөлісіп, оның жақындарына көңіл айтуда. Бұл орайда танымал продюсер Баян Мақсатқызы да аталған оқиғаға қатысты пікірін айтты, деп хабарлайды Stan.kz ақпараттық агенттігі.
«Лифттер бұзылады, себебі өзіміз жауапты іске немқұрайлы қараймыз. Жас, сұлу әрі бақытты журналист қыздың өлімі соңғысы емес, оны толық сеніммен айта аламын. Азаматтық ұстанымның жоқтығы күнделікті әрекетімізден байқалады. ПИК-тің (пәтер иелері кооперативі) қалай жұмыс істейтінін, салық төлеушілердің ақшасы қайда жұмсалып жатқанын білгіміз де келмейді. Ал ол ақша біздің лифтті жөндеуге де қарастырылған. Маргарет Тетчер айтқандай, «ешқандай да мемлекеттік ақша жоқ, тек салық төлеушілердің ақшасы бар». Ал ол сіз бен біздің ақшамыз. Ол ақшаның кімнің қалтасына кетіп жатқанын білмейінше, лифттер бұзыла береді, ал жас әрі сұлу келіншектер қыршынынан қиылады», – деп бөлісті ол инста-парақшасында
Еске сала кетейік, 4 сәуір күні Ақтөбеде тұрғын үйлердің бірінде журналист Айзат Әбдісамат лифтке қысылып, көз жұмды. Тележүргізушімен бірге оның үш жасар қызы болған. Куәгерлердің айтуынша, лифт алтыншы қабаттан төмен түскен лифтінің есігі қайта-қайта ашылып қала берген. Есік жартылай ашылған шақта бүлдіршін сыртқа шығуға талпынған. Айзат қызының соңынан еремін деп ажал құшты. Аталған оқиғаға байланысты күні кеше қылмыстық іс қозғалды.
Оқи отырыңыз:
Айгүл Мүкей лифтте қаза тапқан тележүргізуші жайлы: Шенеуніктерге ең ауыр жаза қолдану керек
Елімізде оқушылар тамағын қайта тегін ету ұсынылды
Маңғыстау облысындағы пышақталып өлген 16 жасар баланың анасы: Ұлыма мені өлді деп айтқан
Полиция әлеуметтік желі арқылы тараған Ақтаудағы педофил туралы болжамды жоққа шығарды