Баян Есентаева «Қазақ Аруы» байқауы туралы фильм түсірмек
«Қазақ Аруы» байқауының бас продюсері Баян Есентаева 6 сериядан тұратын фильм түсіру жөніндегі жоспарымен бөлісті.
«Ең беделді сән байқауы «Қазақ Аруы» енді 6 сериялы фильм арқылы көгілдір экраннан көрініс таппақ. Еліміздің бас аруын сомдайтын басты рөлде кім ойнайды? Жақында кастинг. Ал біздің компаниямыздың жаңа жобасы мен жаңа үміттері бар», – деп жазады ол.
«Қазақ Аруы» байқауы Қазақстанда 6 жыл қатарынан ұйымдастырылып келеді. Ол жыл сайын наурыз айында өтеді. Жоба қатысушыларына қойылатын негізгі талап – қазақ тілін жетік меңгеріп, әдебиет, тарих, қазақ халқының салт-дәстүрінен хабардар болу.
Талқылау