Фото: Reuters
Каталониялық "Барселона" футбол клубы шабуылшысы Ламин Ямальдың есімі жазылған жаңа жейделердің сатылымы бойынша клуб тарихындағы рекордты жаңартты. Бұл туралы Stan.kz ақпарат агенттігі хабарлайды.
Испаниялық БАҚ мәліметінше, футболшының әйгілі №10 нөмірін алғаны туралы хабарлама жарияланғаннан кейінгі алғашқы 24 сағат ішінде 70 мыңнан астам жейде сатылған. Бұл – клуб тарихындағы ең жоғары көрсеткіш. Бұған дейін мұндай сұраныс Лионель Месси мен Неймардың жейделерінде де болмаған.
Форма сатылымынан "Барселона" шамамен 10 миллион еуро (шамамен 5 миллиард теңге) табыс тапты. Nike компаниясы дайындаған жейделер 170-тен астам елде таралып, клуб дүкендерінде алғашқы сағаттарда-ақ кей өлшемдер түгел сатылып кетті.
Мамандардың айтуынша, мұндай қызығушылық Ямальдың жасына қарамастан үлкен танымалдылыққа ие бола бастағанын және клубтың маркетингтік табысының айқын көрсеткіші екенін дәлелдеді.
