Таиландтың өнеркәсіп министрлігі құрылыс алаңында сапасыз болат пайдаланылғанын, ал инспекторлар материалдар мен жұмыс күшін үнемдеу белгілерін де тапқанын бұған дейін мәлімдеген. Ғимаратты Таиландтың ұлттық аудит кеңсесі үшін екі компания бір қытайлық және бір таиландтық компания салған.

Осы жылдың қаңтарында билік кешігулерге байланысты жобаны тоқтатамыз деп қорқытты, ал тексеріс орында талап етілгеннен әлдеқайда аз адам жұмыс істегенін анықтады. Бұл өз кезегінде құрылыс сапасына әсер етті.

Мьянмадағы 7,7 балдық күшті жер сілкінісі Бангкокта салынып жатқан 30 қабатты зәулім ғимараттың құлауына себеп болды. Бұл елордадағы жалғыз ғана құлаған ғимарат болды. Құтқарушылар үйінді астында қалған 75-ке жуық адамды іздестіріп жатыр.
Italian Thai Development PCL және China Railway Number 10 (Тайланд) Ltd құрылыс компанияларының өкілдері әзірге түсініктеме бермеді, ал Italian Thai Development акциялары 27% төмендеді.

Мьянмадағы жер сілкінісі 2886 адамның өмірін қиды, 4639 адам жарақат алды, тағы 373 адам із-түзсіз жоғалғандар тізімінде. Негізгі дүмпу, одан кейін ондаған дүмпулер үйлерді, көпірлерді, шіркеулер мен жолдарды қиратып, миллиондаған адамдарды баспанасыз қалдырды.

Еске салайық, Оңтүстік-Шығыс Азияда екі күшті жер сілкінісі болды. Соның салдарынан Бангкокта салынып жатқан көпқабатты ғимарат құлады. Жерасты дүмпулерінің эпицентрі Мьянмада тіркелді. Қазір адамдар эвакуацияланып жатыр. Әлеуметтік желіде кран орнатылған биік ғимараттың құлап, үлкен шаң бұлты көтерілгені, ал адамдардың айқайлап, жан-жаққа қаша бастағаны көрсетілген видеолар тарады.

Бұған дейін Мьянмадағы 7,7 балдық жер сілкінісінен кейін Бангкокта ғимараттар опырылып түскені айтылды.

Талқылау