Баланың мәйіті қорапта жатқан: Ақтөбеде жаңа туған сәбиін тастап кеткен ана табылды

Ақтөбеде жаңа туған сәбиін тастап кеткен ана табылды, деп хабарлайды Stan.kz ақпарат агенттігі.

19 желтоқсан күні сағат 22:05-те Жұбанова көшесіндегі көпқабатты үйдің жанынан қағаз жәшікке салынған баланың мәйіті табылғаны туралы полицияға хабарланған.

• Қызылордада қатып қалған каналдардың бірінен ер адамның мәйіті табылды

• Суицид белгісі бар: Шығыс Қазақстанда ауылдардың бірінде әкесі мен ұлының мәйіті табылды

"Жедел-іздестіру шаралары барысында 29 жастағы күдікті анықталып, ұсталды. Жауап алу кезінде оның кәмелетке толмаған екі баласы бар екені анықталды. Сот-медициналық сараптама тағайындалды", - делінген хабарламада.

Бұған дейін тәртіп сақшылары Қылмыстық кодекстің 100-бабы "Анасы жаңа туған нәрестені өлтіру" бойынша сотқа дейінгі тергеуді бастағаны хабарланған болатын.

Еске салсақ, Ақтөбеде көпқабатты үйдің жанынан қорапқа салынған сәбидің мәйіті табылды.