Азия ойындары-2025: Қазақстандық шаңғышы қыздар күміс жүлде жеңіп алды
2025 жылғы қысқы Азия ойындарының бесінші күнінде ел қоржыны тағы бір күміс медальмен толықты. Бұл туралы Stan.kz ақпарат агенттігі хабарлайды.
Фото: instagram.com/olympic.kz
Қытайдың Харбин қаласында өтіп жатқан бәсекеде шаңғышы қыздар жарысқа түсті. Бұл бағдарламада ел намысын Ксения Шалыгина, Камила Елғазинова, Ангелина Шурыга және Надежда Степашкина қорғады.
Қазақстандық спортшылар мәре сызығын 55:24,5 уақытта кесіп өтті. Нәтижесінде күміс жүлдені жеңіп алды. Ал 53:59,3 уақытта келген Қытай құрамасы жарыс жеңімпазы болды. Жапония құрамасы қола медальді иеленді. Олар берілген қашықтыққа 56:38,1 уақыт жұмсады.
Айта кетейік, кеше Қазақстан құрамасы фристайл-акробатикадан және биатлон жарыстарынан қос алтын жүлде жеңіп алған еді.
"6 миллион теңгеге дейін табыс табуға болады": Ауылда мал бағып жүріп, ағылшын үйренген 16 жастағы қазақстандық жұртты тәнті етті
Исмаиль: “Бір бұқаның құны 900 мың теңге"
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев