"Қырғызстанға бару арманым еді": Айтыскер Айшолпан Тілеутай халықаралық айтыстан шеттетіліп қалғанын айтты

Айтыскер ақын Айшолпан Тілеутай әлеуметтік желідегі парақшасында халық аралық айтысқа қатысушылардың тізімінен сызылғанын айтты. Бұл туралы Stan.kz ақпарат агенттігі хабарлайды. 

©instagram.com/tleutai.aisholpan

Ақын оқырманына соңғы кездері көңілсіз жүргенінің себебін айтты.

“Қаншама ай дайындалған айтыстың тізімінен сызылып қалдым. Қатты өкпеледім. Себепсіз айтыстан шеттетілуім бірінші рет емес еді. Талай айтысқа неге екені белгісіз, қатыспай қаламын. Бастысы ешкімге мұңымды айтпай, қазақтың  мұңын жырлап жүре бердім. Жақындарым "бәрі алда" деп қолдау білдірді. Сөйтіп алдыңғы күні қырғыз ағайындардан ел аралық қырғыз-қазақ айтысына шақырту келді. Қырғызстанға айтысқа бару арманым еді. Алламның әрбір ісі мен үшін бір белгі. Не берсең де, қайырымен бер”, – деп жазды Айшолпан.