"Айтарлықтай көп емес": Ауыл шаруашылығы министрлігі қуаңшылықтан қанша мал басы қырылғанын жариялады
Ауыл шаруашылығы министрлігі Маңғыстау және Қызылорда облыстарында қанша мал қырылғанын жариялады, деп хабарлайды Stan.kz ақпарат агенттігі.
“Ресми деректерге сәйкес, Маңғыстау облысында малдың 1161 басы қырылды. Олардың ішінде 49-ы ірі қара, 503-і қой, 543-і жылқы және 66-сы түйе. Егер аймақтағы бар жалпы мал санымен шаққанда бұл оның 0,1%-ын құрайды. Яғни айтарлықтай көп емес”, – дейді АШМ мал шаруашылығы өнімдерін өндіру және қайта өңдеу департаменті директорының орынбасары Қайрта Мұтаев.
Бұған қоса, ол Қызылорда облысында қырылған мал санына тоқталды. Министрлік өкілінің сөзіне сүйенсек, өңірде 553 мал басы өлген. Олардың 176-сы ірі қара, 376-сы жылқы және бір түйе.
Еске салсақ, бұған дейін Ауыл шаруашылығы министрлігі Қазақстанда мал шаруашылығын дамытудың негізгі принциптері бұзылғанын мәлімдеген еді.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды