“Әйелдерді өлтіріп, денелерін көшеге тастаған”: Өскеменде маньяк туралы ақпарат тарады
Әлеуметтік желіде Өскеменде "маньяк пайда болды" деген ақпарат тарады. Бұл туралы Stan.kz ақпарат агенттігі Үk-news.kz басылымына сілтеме жасап хабарлайды.
Фото: Pixabay.com
13 тамыз күні Турист автобазасының ауданындағы саяжайлардың бірінде шамамен 45-50 жастағы белгісіз әйелдің мәйіті табылған. Осыдан кейін қалада маньяк пайда болды деген ақпарат тараған.
Желіде соңғы бірнеше күнде бір-біріне ұқсайтын бірнеше жағдай анықталғаны туралы ақпарат тарады. Көз жұмғандардың барлығы – әйелдер. Олардың денесі көше бойынан табылған.
"Таратылып жатқан ақпарат шындыққа жанаспайды. Әлеуметтік желі пайдаланушыларына бұқаралық ақпарат құралдарын немесе ақпараттық-коммуникациялық желілерді пайдалана отырып, жалған ақпарат таратқаны үшін жауапкершілік бар екенін ескертеміз. Тек ресми ақпарат көздеріне сеніңіз", – деп хабарлады ШҚО полиция департаментінің баспасөз қызметі.
Еске салсақ, осыған дейін Жетісу облысында баланың денесін әлдекімдер үтікпен күйдіргені туралы жазғанбыз.
"Алдағы 10 жылда мұнай қоры таусылады": Сарапшылар "қара алтынсыз" Қазақстанның болашағы қандай боларын болжады
