"Аяқтарыңыздың арасын ашыңыз": Қазақстандық қыздар Астана мен Қарағанды арасында қатынайтын такси жүргізушісіне шағымданды
Желіде такси жүргізушісіне шағымданған астаналық қыздардың жазбалары пайда болды. Бұл туралы Stan.kz ақпарат агенттігі хабарлайды.
Фото: Әлеуметтік желіден
Әлеуметтік желі қолданушылары inDrive жүйесідегі Астана мен Қарағанды арасында қатынайтын такси жүргізушісімен болған жағымсыз оқиғаларын бөлісті.
"Қарағанды мен Астана арасында қатынайтын такси жүргізушісінің үстінен ондаған қыз шағымданды. Зардап шеккендердің айтуынша, өзін Данияр деп таныстырған ер адам айла-амалдар қолдану арқылы жолаушы әйелдерге әдепсіз әрекеттер жасатқан. Көлік жүргізу кезінде жүргізуші жолаушы орнында орналасқан "датчик" іске қосылып кеткенін айтып, белгілі бір әрекеттерді жасап, оны "өшіруді" сұрайды", – делінген жазбада.
Шағымданған қыздардың айтуынша, жүргізуші inDrive қосымшасы арқылы қалааралық сапарларға тапсырыс алатын көрінеді.
"Мен Астанадан жолға шыққалы жатқанда басымда мынадай оқиға болды. inDriver шақырдым. Қонақүйден фотосессиядан келе жатыр едім. Мені бір жүргізуші қабылдады. Ол келіп қонақүйдің дәл қасына емес, сәл солға тоқтады. Отырғаннан кейін жүргізуші бір отбасының артқы орындықты алып қойғанын, сондықтан алдыңғы орындықтарға отыруымды сұрады. Содан кейін жүргізуші сенсорында ақау бар екенін және қауіпсіздік белдігін жөндеу керек екенін айтты. Мен белдікті реттеуге тырыстым, бірақ бұл сенсор жұмыс істемеді. Жүргізуші бір уақытта сенсорды басып, аяғымның арасын ашуым керегін айта бастады. Мен оған: "Мен рульге отырайын, сіз өзінің отырып, түзетіңіз” дедім. Менің наразылығымды көрген соң: "Басқа көлік шақырсаңыз болады, мен бармаймын" деді. Дәл осындай жағдай басқа бір қыздың да басынан өткен", – дейді шағымданушы қыздардың бірі.
Желідегі жазбада осындай жағдайға тап болған басқа да қыздардың пікірлері көрсетілген.
Қарағанды облыстық полиция департаменті Қарағанды қаласының 29 жастағы тұрғыны InDriver сервисінің жүргізушісіне шара қолдану туралы арызбен жүгінгенін мәлімдеді. Жүргізушінің жеке басы анықталды, ол 36 жастағы Астана тұрғыны болып шықты.
Қазір оқиғаның барлық мән-жайын анықтау бойынша тексеру жүргізіліп жатыр.
InDriver компаниясы жағдайға қатысты түсініктеме беріп, жүргізушінің аккаунты бұғатталғанын мәлімдеді.
"Біз кез келген қолайсыз әрекеттерге қарсы шығамыз және пайдаланушылардан кешірім сұраймыз. Ішкі тексеріс нәтижесінде ережені бұзған жүргізушінің 2023 жылы платформадан бұғатталып, тапсырыстардан шектелгенін анықтадық.
Ережені бұзған жүргізуші жүйеде бөгде құжаттармен тіркелген. Бұл – қызмет ережелерін өте ауыр бұзу. Оны болдырмау үшін жүргізушілер мен олардың көліктерін фотобақылау арқылы үнемі тексеріп отырамыз.
Пайдаланушылардан түскен шағымдардан кейін ереже бұзушының аккаунты дереу табылып, мәңгілікке бұғатталды. Біз зардап шеккен пайдаланушыларға психологиялық көмек ұсынуға дайынбыз”, – деп түсіндірді компанияның баспасөз қызметі.