Аяғынан айырылған 12 жасар қыздың биі жұртты тамсандырды (фото)
Аяғынан айырылған 12 жасар қыз арманымен қош айтыспақ емес. Ол өзі қалағандай балет бишісіне айналды. Ал аяғынан жол апатының нәтижесінде айырылған екен.
Бұл туралы The Daily Mail басылымы хабарлайды.
Қытайлық Цзян Чжан Цзыи жол апаты салдарынан 6 жасында аяғынан айырылған. Тағдырдың сынына мойымаған ол анасына балет бишісі болғысы келетінін айтқан. 2013 жылы таланттылар бақ сынасқан ұлттық бағдарламада жеңіске жетті. Осылайша 12 жасар қыз жұрттың жүрегіне үміт сыйлаған-ды. Көп адам оны көріп өмірге деген құштарлықтарының артқанын айтты.
Анасы ауыр жол апатынан кейін қызының өмірі үшін қатты алаңдаған. Әйел күні-түні айқайлап жыласа да, Цзян еш мойымаған. Керісінше «Анашым, сіз жыласаңыз да, күлсеңіз де, бұл күн бәрібір өте береді. Неге бұл жағдайдың жақсы тұстарын іздеп көрмейміз? Мен балет биін үйренгім келеді. Сіз менің аяғыма айналыңызшы» деп жұбатқан екен.
Жуырда Цзян танымал байқауда би билеп, жеңіске жетті. Оның талантын мойындаған көрермендердің бірі тағы да бір байқауға шақырған екен. Дәл қазір бүлдіршін №10 мектептің бастауыш сыныбында оқып жатыр. «Бастапқы бір жылда бейтаныс адамдар бізге ақша жіберіп, қолдау көрсетпек болды. Алайда біз олардың көмегінен бас тарттық», – дейді бүлдіршіннің анасы.
Жіберіп алмаңыз:
Қыз түнімен қыдырып үйіне қонбаған жігітінің бетіне макияж жасап тастап жазалады (видео)
5 жасар балақай мульфильмің арқасында анасын ажалдан аман алып қалды