Аузынан ақ көбік ағып, өліп қалады: Ақмола облысында белгісіз мал ауруы тарап жатыр
Ақмола облысында белгісіз мал ауруы тарап, ірі қара жаппай қырылып жатыр. Бір ғана Біржан сал ауданында соңғы 15 күнде кеселден өлген мал саны қырықтан асса, 2 мыңға жуық сиыр ауру жұқтырған, деп хабарлады Информбюро жаңалықтар қызметіне сілтеме беріп Stan.kz ақпарат агенттігі.
Тұрғындардың айтуынша, малдың аузынан ақ көбік ағып, көп ұзамай өліп қалады екен. Алайда аудандық ветеринария қызметі ірі қарада жиі кездесетін ауыз қуысының шырышты қабатының қабынуы, аусыл сияқты аурулардың вирусын таппаған. Соған байланысты мамандар төрт түрлі ауру белгісі бар малдан сынама алып, Нұр-Сұлтандағы зертханаға жіберген.
Белгісіз кесел ауданның бір-біріне жақын орналасқан елді мекендерінде көп тіркеліп жатыр. Қазіргі таңда Біржан сал ауданындағы 10 ауылда төрт түлікті аман алып қалу үшін мал дәрігерлері емдеу шараларын жүргізуде. Алайда дәрі-дәрмекті мал иелері өздері сатып алуы тиіс. Олардың айтуынша, ауырған ірі қараға салынатын екпенің бағасы қымбат. 7 мың теңге тұратын екпенің бір дозасы тек бір малға ғана жетеді.
Талқылау
"Әсіресе аяғы ауыр әйелдер мен балаларға өте қауіпті": "Гонконг" тұмауын кәдімгі тұмаудан қалай ажыратуға болады
Қазір еліміз бойынша 10 мың стационарлық орын дайындалған
"Жолдасым АҚШ әскерінде борышын өтеп жүр”: Қазақстандық ару күйеуімен Америкаға грин карта ұтып алып, 10 есе жоғары табыс табатынын айтты
Мөлдір: “Әр клиент 250 мың теңгеден төлейді"