Ауа-райы қолайсыздығына байланысты Қазақстанда бірнеше жол бағыттары түгелдей жабылып қалды
Қараша айының 13-інен 14-іне қараған түнде қатты жел тұруына байланысты, Қазақстанның үш өңіріндегі жолдар жабылып қалды.
Бұл туралы ҚР ІІМ Төтенше жағдайлар комитеті хабарлады.
Қазіргі таңда Астанадан Қарағандыға апаратын негізгі жол да жабылған. 14 қараша күні түнгі сағат 00:30 шамасында қатты боран тұруына байланысты “Екатеринбург-Алматы” жол қозғалысына да шектеу қойылған. Ал арада бір жарым сағат уақыт өткенде аталмыш автожолдың Теміртау қаласындағы тұсында да жол жабылды.
Қатты көктайғаққа байланысты таңғы сағат 05:45-тен бастап “Астана-Қарағанды” бағыты бойынша жол барлық автокөлік түрлері үшін жабық екенін ескертеміз.
Сонымен қатар Шығыс Қазақстанда ауа-райы қолайсыздығына байланысты жол көрінісін бақылау нашарлап кеткен. Бүгін “Өскемен-Зырян-Қатон-Қарағай-Рахманов бұлақтары” автожолы бөлігіндегі жолдардағы қозғалыс түгелдей шектелді.
Оқи отырыңыз:
Сауд Арабиясының королі күллі әлемді таңқалдырған бұйрыққа қол қойды
Тележүргізушілер айқасы: Салтанат Қалиева мен Майя Бекбаева нені бөлісе алмады?
“Ninety one” әншісі: Сіздердің сөздеріңізге қарсы шыққымыз келмейді (видео)