Ауа райына байланысты бірнеше аймақта көлік қозғалысына шектеу енгізілді
“ҚазАвтоЖол” ауа райының бұзылуына байланысты бірнеше аймақта көлік қозғалысына шектеу енгізілгенін мәлімдеді. Бұл туралы Stan.kz ақпарат агенттігі хабарлайды.
Алматы облысы:
"РФ шекарасы – Мартөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы, Қордай асуының жаңа айналма жолы" автожолының 59-143 шақырым аралығы (Жаңақұрылыс ауылы – Жамбыл облысы шекарасы).
Жамбыл облысы:
"РФ шекарасы – Мартөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы, Қордай асуының жаңа айналма жолы" автожолының 143-214 шақырым аралығы (Алматы облысы шекарасы – Қордай ауылы).
Жолды 2026 жылғы 9 ақпан сағат 02:00-де ашу жоспарланған.
Ақтөбе облысы:
2026 жылғы 8 ақпан сағат 17:45-те ауа райының бұзылуына байланысты республикалық маңызы бар "РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы" автожолының 0-77 шақырым аралығындағы учаскесінде (Жайсан өткізу пункінен ЭКО ойл жанармай стансасына дейін) жүк және қоғамдық көліктердің қозғалысына уақытша шектеу қойылады.
Жолды 2026 жылғы 9 ақпан сағат 09:00-де ашу жоспарланған.
