Атырауда араққа тойып алған ер адам трансформаторға өрмелеп кетті
Атырауда 18 қыркүйек күні алкогольді мас күйдегі ер адам кешкі 18:30 шамасында трансформаторға өрмелеп кеткен.
“Белгісіз ер адамның Нұрсая ықшамауданында орналасқан №17 үйдің қасындағы трансформаторға шығып бара жатқаны туралы ақпарат келіп түсті. Ер адам адам өміріне аса қауіпті нысаннан төмен түсіріліп, полиция бөлімшесіне жеткізілді. Кейін оның алкогольді мас күйде екені анықталды”, – деп хабарлады облыстық ІІД баспасөз қызметі.
Ер адам Дағыстан Республикасының 54 жастағы тұрғыны екен. Ол Нұрсая ықшамауданындағы “Сұңқар” тұрғын үй кешенінде құрылысшы болып жұмыс істеп жатқан.
Қазіргі кезде аталған факті бойынша мемлекеттік еңбек инспекциясымен бірге жұмыс жалғасып жатыр.
Оқи отырыңыз:
ШҚО-да желіге әдепсіз суреттерін жариялаған шенеуніктер жазаланды (фото)
Алматылық бала көрші аулалардағы шашылған қоқыстарды жинап жүр (фото)
Шымкентте 3 жасар бала ашық жатқан сым тоғына түсіп, қолын тұтас күйдіріп алды
Тоңазытқыштан табылған егіздердің ағасының әрі қарайғы тағдыры белгілі болды