Атырау облысындағы ерлі-зайыптының өлімі: Отбасының кіші қызына халықаралық іздеу жарияланды
Фото: qamqor.gov.kz
Атырау облысында қайын атасы мен енесін өлтірді деген күдікті халықаралық іздеуге берілді. Оның әйелі, марқұмдардың кіші қызы да халықаралық іздеуде. Бұл туралы Stan.kz ақпарат агенттігі хабарлайды.
Бұл туралы полиция департаменті мәлімдеді.
-
Атырауда жоғалған отбасы: Күдікті күйеу баланың ағасы бауыры туралы айтып берді
-
"Балам тәртіпті, сенбеймін": Атырауда өлі табылған ерлі-зайыптының құдағиы күдікті туралы айтты
“Полиция қылмыс жасады деген күдікпен ер адамға және жоғалып кетті деген күдікпен әйел адамға (Ақбаян Мұқанғалиеваға) халықаралық іздеу жариялады”, – деп атап өтті департаменттің баспасөз қызметі.
Еске салсақ, бұған дейін Атырау облысы Қызылқоға ауданына қарасты Жангелдин ауылында бір отбасының төрт мүшесі із-түссіз жоғалып кеткен еді. Отбасы 2025 жылдың күзінде жоғалған. Іздеудегі адамдар 1959 жылы туған Мақсот Қарабалин, оның жұбайы 1961 жылы туған Насипа Өтешқалиева, олардың балалары 1990 жылы туған Мейрамгүл Қарабалина мен 1993 жылы туған Наурыз Мұқанғалиев. Отбасының жұмбақ жағдайда жоғалуына байланысты қылмыстық іс қозғалды.
Артынша отбасының үйінің ауласынан ерлі-зайыпты Мақсот Қарабалин мен Насип Өтешқалиеваның мәйіттері көмілген күйде табылды. Олардың балалары әлі де із-түссіз жоғалғандар қатарында.
Полиция отбасының екі мүшесін өлтірді деген күдіктіге іздеу жарияланды. Күдікті – отбасының 29 жастағы күйеу баласы, Атырау облысы Махамбет ауданының тұрғыны Сұлтан Сәрсемәлиев.
"6 миллион теңгеге дейін табыс табуға болады": Ауылда мал бағып жүріп, ағылшын үйренген 16 жастағы қазақстандық жұртты тәнті етті
