Екі бала өзенге түскен аяқ киімге бола суға батып кетті
Атбасарда Жабай өзеніне батқан жасөспірімдер бір-бірін құтқармақ болған.
Фото: alau.kz
Бұл туралы Ақмола облысы Атбасар ауданының төтенше жағдайлар бөлімшесі хабарлады.
Қайғылы оқиға 18 тамыз күні сағат 11 шамасында орын алған. 2003 жылғы және 2005 жылғы екі ұл бала суға батып кеткен. Батқандардың екеуі туған ағайындылар.
Құтқарушылардың айтуынша, балалар бөгеттің үстінде ойнап жүрген кезде, біреуінің аяқ киімі суға түсіп кеткен. Сол аяқ киімін қуып жетемін деп артынан бір бала суға аққан. Батып бара жатқан достарын құтқарамыз деп екі балада суға түскен. Бірақ өзеннің ағысы қатты болып, тұншығып қалған.
Жаңада тұрған төртінші бала маңайдағыларды көмекке шақыруға жүгіріп кеткен. Оқиға орнына келгендер тек бір баланы судан шығарған. Қалған екі баланы Көкшетаудан келген сүңгуірлер су түбінен алып шығады.
Жіберіп алмаңыз:
Жеті дос селфи жасаймын деп суға батты
Суға батқан мұсылман әйел бөтен ер адамның көмегін қабылдамай қойды