Астанадағы балабақшада тәрбиеші 3 жасар баланы ұрып-соққан (видео)
Астанадағы балабақшада тәрбиеші 3 жасар баланы ұрып-соққан. Бұл туралы Stan.kz ақпарат агенттігі хабарлайды.
Оқиға Астана қаласындағы "Алтоша" балабақшасында болған. Анасы ұлының денесіндегі көгерген соққы іздерін байқап, бейнебақылау камераларындағы жазбаларды көрсетуді талап еткен.
Видеодан тәрбиешінің баланы жұлқылап, басын қабырғаға соққанын, кейінірек сурет салып отырған жерінен қолындағы қағазын жұлып алып, басқа балаға бергенін көруге болады. Полиция шақырылғаннан кейін тәрбиеші өзіне зиян келтіремін деп қорқытқан.
Баланың анасы тілі енді шыға бастаған ұлының оқиғадан кейін сөйлемей қойғанын айтады.
Астана қалалық білім басқармасында аталған жағдайға қатысты түсініктеме берді.
“Биылғы жылдың қараша айында жекеменшік балабақшалардың бірінде тәрбиешінің үш жасар балаға күш қолданғаны расталды. Қазір тәрбиеші қызметінен босатылды. Басқарма мамандары балабақша тәрбиешілерімен түсіндіру жұмыстарын жүргізді”, – делінген басқарма хабарламасында.
Аталған дерек бойынша құқық қорғау органдары сотқа дейінгі тергеп-тексеру жүргізіп жатқаны хабарланды.
"8 наурызды тойламаймын": Қазақстандық әйелдер атаулы мерекеден не үшін бас тартқандарын айтты
Қазастандық: "Үйде де, жұмыста да, көшеде де қор болып, зәбір көретін – әйел"
"Жеті атаны білеміз, жеті апаны ше": Қазақстандықтар әйелдерді шежіруге қосуды ұсынды
Этнограф: "Шежіреге қыздар жазылмайтын болса, ру аттары неге әйел атымен аталған?"