Астанада "Шанхай" базарындағы өрттен кейін кәсіпкерлер шығынға батқанын айтып, бас көтерді

Видеодан скриншот

Астанада Big Шанхай базарындағы ірі өрт кезінде зардап шеккен үш құтқарушы шығарылды. Бірақ көп кәсіпкер келтірілген шығынды есептеп жатыр. Себебі тауарларын жалын шарпыды. Бұл туралы Stan.kz ақпарат агенттігі КТК арнасына сілтеме жасап хабарлайды.

Өрт 30 мың шаршы метр аумақты шарпыған. Ғимарат маңына қоршаулар орнатылып, полицейлер кезекшілік етіа жатыр. Оқиға орнында тергеушілер жұмыс істеп жатыр.

Жүздеген жалға беруші өз бизнесінен айырылды. Асқар Арыстанов сөмке мен орамал сататын. Оның шығынын 50 миллион теңгеге бағалап отыр.

“Өрт неден шықты, қашан басталды? Ешкім білмейді! Біз әлі күнге дейін түсінбейміз, неге құтқарушыларды ешкім шақырмаған? Олар өздері келді! Сол кезде қауіпсіздік қайда болды? Бізді осы сұрақ мазалайды!”, – деді жалға алушы Асқар Арыстанов.

Енді кәсіпкерлер салықты қалай төлейтінін, несиені қалай жабу керегін білмейді. Себебі олар бизнесті дамыту үшін қарыз алған еді. 

“Менің екі банкте несием бар. Қарыздың уақыты өтіп, маған банктен хабарласып жатыр”, – деді кәсіпкер.

Жалға алушылар салық төлеуден босатылмайды. Әзірге келтірілген шығынды өтеу туралы әңгіме жоқ. Тек тергеу кімнің кінәлі екенін анықтау керек. Бұл бірнеше айға созылады.

Әр жалға алушыға контейнерлер уәде етілді. Әзірге зардап шеккен кәсіпкерлерге көрсетілген көмек осы. Бірақ көпшілігінің тауары өртеніп кеткен. Өрттен зардап шеккендердің саны 280-ге жуық. Түрлі деректерге сүйенсек, базарда 1 мыңнан 3 мыңға дейін сауда орындары бар. Депутаттар елде тұтас базарлар іс жүзінде өртеніп жатқан келеңсіз жағдайларға назар аударды.

“Төтенше жағдайлар департаменті 15 күнде өрт болғаны туралы арнайы анықтама береді және бұл банктерге қарызын кейінге қалдыруға негіз болады. Дегенмен қарыздың үстіне өсімпұл жүреді. Ал біз тарап ретінде қосымша санкциялар болмай, бизнеске ауыртпалық түсірілмегенін, кәсіпкерлер өз қызметін еркін жүргізсе екен дейміз”, – деді депутат Айтуар Қошмамбетов.

Еске салсақ, Астанада "Шанхай" базарында өрт шығып, үш құтқарушы зардап шеккен еді.