Есіл арқылы өтетін көпірдің арқалығына мініп алған азамат ары-бері өткен көлік жүргізушілерінің де, жаяу жүргіншілердің де назарына тез ілікті. Кеудесін жалаңаштап тастаған, жалаң аяқ. Қолында пышағы бар. Өзінің осы әрекетінің ешқандайда әзіл немесе жай ғана қорқыту емесін білдіру үшін кеудесін тілгілеп тастаған. Оқиға орнына жедел жеткен құтқарушылар мен полиция қызметкерлеріне ешқандайда түсінік бермей, тек қана Тәжікстанның Қазақстандағы елшісінің келуін талап етті.

Безымянный

Шамамен 1 сағатқа жуық уақытта көпірдің үстіне Тәжікстан елшісінің кеңесшісі Равшан Бобохонов келді. Кеңесшімен екеуарадағы әңгімеде көпірге шығып алған азаматтың 1980 жылы туған Абдуллах Рузиев деген Тәжікстанның азаматы екені мәлім болды.

«Мен бейбітшілікті қалаймын. Мен осылай істемесем, мені ешкім естімейді. Осы қадамға баруға мәжбүр болдым. Маған қастандық істемек болды», – дейді Абдуллах Рузиев.

Алайда, Рузиев нақты кімдердің қастандық істемек болғанын айтпады. Өзіне қатысты нақты ақпаратты және өзінің талабын тек елшіге айтатынын мәлімдеді. Елшінің кеңесшісімен болған келіссөздерден кейін, Абдуллах Рузиев райынан қайтып, көпірдің арқалығынан түсті. Мәселенің мән-жайын анықтау үшін Рузиевті Тәжікстанның елшілігіне алып кетті.

Талқылау