Астанада цирк әртісі шоу көрсету кезінде бес метрлік биіктен құлап кетті (видео)
Фото: facebook.com/circusastana
18 мамырда Астана циркіндегі шоуда акробат қыз бес метр биіктен құлап кетті. Бұл туралы Stan.kz ақпарат агенттігі хабарлайды.
Куәгерлердің айтуынша, бұл жайт қараңғыда болғандықтан көрермендер басында мән-жайды түсінбей қалған.
Кейінірек цирк өкілдері осы оқиғаға пікір білдірді.
"Ол спорт шебері, күрделі трюктарды сақтандырусыз орындауға дағдыланған. Жеңіл жарақат алды, жақын арада аренаға оралып, цирк көрермендерін қуанта береді", – дейді цирк әкімшілігі.
Астана денсаулық сақтау басқармасы өкілдері акробаттың қазіргі жағдайынан хабардар етті.
"Қыз циркте 5 метр биіктен құлап жарақат алды. Оны оқиға орнынан жедел жәрдем бригадасы алып кетті. Оған бас жарақаты және миы шайқалған деген диагноз қойылды. Жалпы жағдайы орташа, тұрақты", – деп хабарлады ведомство өкілдері.
Әртістер өнер көрсеткен шоу 1 маусымға дейін жалғасады.
Талқылау
Екі қыз анасыз қалды: Атырауда ер адам әйелін ұрып өлтірді деген күдікке ілінді
Туыстары Ләззатты күйеуі үнемі ұрып-соққанын айтады
"Денсаулық сақтау министрлігі айыппұл салады екен": Қоғам белсендісі өз емханасынан ақылы түрде де ем ала алмай жүргеніне шағымданды
Медициналық ұйым ТМККК және МӘМС жүйесіне кіретін медициналық қызметтер үшін ақы алса, ұйымға айыппұл салынады