Астана тұрғыны жануарларды паналату үшін зәулім үйін босатып берді
Астана тұрғыны қаңғыбас жануарларды паналату үшін өзінің хан сарайындай үйін босатып берген. Үйдің қожайыны Бақтыгүл Жұмабекова бұл әрекетінің еш ерсілігі жоқ деп санайды.
Бұл туралы tengrinews.kz хабарлайды.
Өмір бойы жануарларға деген махаббаты ерекше болған ол осындай ізгілік көрсетуді армандапты. Қазір зәулім үйде 200 жануар мекен етуде. Арасында ит, мысықтармен бірге тіпті түлкі де бар. Үй жануары болып үйренісіп қалғандықтан ба, мұнда мысықтардың мысы басым секілді көрінеді. Үйдегі ең үлкен бөлме де соларға тиесілі.
Барлық жануарларға арнап арнайы тор құрастырылған. Мұндағы мысықтардың көбісі далада жүргендіктен әбден арып-ашып, қажыған. Адамдардан зәбір көргендері де бар екен.
Бақтыгүлдің өзі Астанаға жақын маңдағы Қосшы ауылында тұрады. Екі жыл бұрын осы үйді 204 мың долларға сатып алған кезде-ақ, мұны жануарлар баспанасы етуді ойлапты. Ал қазір мұнда Меруерт, Елена есімді мамандар қызмет етеді.
Желі қолданушылары болса, Бақтыгүлдің әрекетіне қолдау білдірген. Тіпті азық-түлік пен басқа да көмек көрсететіндіктерін айтқан адамдардың да саны біршама.
Оқи отырыңыз:
Мұғалім әйел оқушыларға анатомия сабағын түсіндіру үшін шешініп тастады (видео)
Астанадағы “Дастарқан” асханасында бүтіндей бiр отбасы уланып қалды
Ұлттық нақыштағы бейнебаян! Динара Сұлтан халық әндерін насихаттауда (видео)