Астана командасы УЕФА Конференция лигасындағы екінші жеңілісіне ұшырады
"Астана" футбол клубы УЕФА Конференция лигасы аясындағы кезекті матчын өткізіп, жеңіліске ұшырады. Бұл туралы Stan.kz ақпарат агенттігі хабарлайды.
Фото: instagram.com/fca.astana/
Елордалық "Астана" командасы УЕФА Конференция лигасы аясында үшінші ойынын өткізіп, екінші жеңілісіне ұшырады. Елордалық клуб кипрлық "Пафос" командасына қарсы ойын өткізіп, 0:1 есебімен жеңіліс тапты. Ойындағы жалғыз голды қарсылас команданың ойыншысы Андесрон матчтың 87-минутында салып кетті. Осылайша команда екінші рет жеңіліп, тағы да үш ұпайдан айырылды. Енді Астана" УЕФА Конференция лигасының жалпы кезеңінде 28 қарашада "Виториямен" (Португалия), 12 желтоқсанда "Челсимен" (Англия), 19 желтоқсанда "АПОЭЛ"-мен (Кипр) ойнайды.
Айта кетейік, УЕФА Конференция лигасының 1-турында "Астана" өз алаңында Сербияның ТСЦ "Бачка-Топола" клубын 1:0 есебімен жеңген еді. Ал 2-турда Англияда Уэльстің "Нью-Сейнтс" командасына 0:2 есебімен жол берді.
