Әскерге шақыру жасын 20 жасқа дейін көтеру: Қорғаныс министрлігі қазақстандықтардың талабына жауап берді

Қорғаныс министрлігі қазақстандықтардың әскерге шақырылу жасын 20 жасқа дейін көтеру талабына қатысты мәлімдеме жасады. Бұл туралы Stan.kz ақпарат агенттігі хабарлайды. 

Фото: gov.kz

Қорғаныс министрінің тәрбие және идеологиялық жұмыс жөніндегі орынбасары Шайх-Хасан Жазықбаев бұл ұсынысты қабылдау үшін алдымен балаларды бірінші сыныпқа қабылдау жасын 10 жасқа дейін көтеру керектігін айтты.

"Қарулы күштер қоғамда болып жатқан нәрселердің көрінісі. Әскерге шақыру жасын ұлғайту үшін мектепке қабылдау жасын қайта қарау қажет. Егер мектепке қабылдау жасын өзгертпесек, болашақта балалар 17 жастан 20 жасқа дейін немен айналысады?", – деді вице-министр.

• "Дегендеріңе қол жеткіздіңдер, болды ма?": Қорғаныс министрі әскери шенділердің жұмысын сынға алды

• Қорғаныс министрлігі міндетті әскери қызметтің күшін жою туралы ұсынысқа жауап берді

Оның айтуынша, бұл мәселені қорғаныс министрлігі оқу-ағарту министрлігімен және басқа құрылымдармен бірлесіп қарауы қажет. Вице-министрді мәжіліс депутаты Константин Авершин де қолдады.

"Неге 18 жастан бастап әскерге шақырылады? Кеңес заманында бұл тақырыпқа терең зерттеулер болған. Жалпы, бұл жаста жас жігіттер гормоналды өзгерістерді сезіне бастайды. Психикадағы өзгерістер физиологиялық өзгерістерден кейін жүреді, сондықтан осы уақыт жас жігіттерден ер азаматтарды тәрбиелеп шығару үшін таңдалған. Барлығы физиологиялық ерекшеліктерге байланысты, сондықтан 18 жастан бастап шақырылады", – деді депутат.

Еске салсақ, бұған дейін Қазақстанда жастарды әскерге шақыру жасын 18-ден 20-ға дейін ұлғайту жөнінде петиция жарияланған еді.