Әсел Құрманбаеваның ағасы Айдос Есполов ұсталды – Дереккөз
Фото: Әлеуметтік желіден
"Астана ЭКСПО-2017" компаниясының бұрынғы кеңесшісі Айдос Есполов ұсталғанын дереккөз мәлімдеді. Бұл туралы Stan.kz ақпарат агенттігі ҚазТаг порталына сілтеме жасап хабарлайды.
"Айдос Есполов екі күн бұрын Астанада ҰҚК жанындағы "антикор" қызметімен ұсталды", – делінген редакцияға жіберген хабарламада.
Редакция Есполовқа телефон арқылы хабарласуға тырысқанымен, оның нөмірі өшірілген болып шықты.
Желіде журналист Михаил Козачков та оның ұсталғанын, бірақ себебі белгісіз екенін жазды. Сонымен қатар редакция құқық қорғау органдарына аталған жағдай бойынша сұрау жолдады.
Айдос Есполов Әсел Құрманбаеваның – бұрынғы президент Нұрсұлтан Назарбаевтың екінші әйелінің бауыры екені атап өтілді. Бұрынғы президенттің балдызы Еуразиялық технологиялық университеттің және "Alatau Asset Management Company" ЖШС-нің құрылтайшысы.
"ЭКСПО-2017" ісі: Сот Талғат Ермегияевті мерзімінен бұрын босатудан бас тартты
Еске салайық, бұған дейін мәжіліс депутаты Ермұрат Бәпи "ЭКСПО ісі" бойынша бұрын сотталған Талғат Ермегияевке жүктелген айыпты заңсыз деп санады. Бәпи депутаттық сауалында нақты пара алған "анықталмаған тұлға" Айдос Есполов екенін және оның қылмыстық істен шығуына сол кездегі премьер-министр Кәрім Мәсімов пен "Антикордың" экс-төрағасы Қайрат Қожамжаров ықпал еткенін атап көрсетті. Бәпи тергеу мен сот барысында пара берушінің кім екені анықталмағанын, психикалық науқас куәгердің жауапқа тартылмағанын, сондай-ақ ЭКСПО-ға бөлінген 565 млрд теңгенің бір бөлігінің офшорға аударылуын ескермеу фактілерін де сынға алды. Ол Бас прокуратурадан істі қайта қарауды, нағыз кінәлілерді жауапқа тартуды және бейкүналарды ақтауды сұрап отыр.
"Адамды қалай өлтіруге болады деп ашық іздеген": Яна Легкодимованың өлімі бойынша тергеуші істі қалай ашқанын баяндап берді
