Әсел Асқар: Күйеуім жүкті екенімді білген соң "түсік болатын шығар" деп ойлап жүр
Актриса Әсел Асқар жақын күндері жолдасымен ажырасып кеткенін айтты. Көпшілік бұл жаңалықтың шынайылығына сенген жоқ. Алайда актриса жүкті екенін айтып сендірді. Дегенмен, бұрынғы жолдасы сенімсіздік білдірген екен.
Актриса желідегі парақшасында желі қолданушыларының сұрағына жауап берді.
Көпшілік оның жолдасы мен жүктілігі жайлы сұрап жатыр.
"Күйеуіме жүкті екенімді айттым. Бастапқыда сенген жоқ. Ер азаматтар көзі жетпейінше сенбейді ғой. Көзі жеткен соң енді сценарий бойынша түсік болатын шығар деп жүр. Бәрі ресейлік сериалдар секілді деп ойлап жүр. Бірақ мен ол туралы айтқым келмейді. Басқа нәрсе айтайықшы", – деді Әсел.
"Ажырасқан, жалғыз қалған сәт ауыр емес пе?" деп сұрады оқырманның бірі.
"Бастапқыда жаман болдым. Өтірік айтпай-ақ қояйын. Жалғыз қалғандай болдым. Жанымда жүрген адам жетіспей тұрғандай болды. Кейін үйреніп кеттім. Жұмыс бар, достарым бар. Үнемі қарбалас. Соның көмегімен тез үйренісіп кеттім. Жаяу қыдырамын, серуендеймін. Кітап оқимын. Жұмыстарыммен жүремін. Керісінше, бұл кезеңді жақсы өткізіп жатырмын. Мен жалғыздықтан қорықпаймын. Мен мұндай кезеңдерден өткенмін. Әр нәрсенің өз қайыры бар", – деді Әсел Асқар.
Айта кетейік актриса жақын күндері жолдасымен ажырасқанын мәлімдеген еді. Күйеуімен ажырасқанын айтқан актриса жүкті екенін білді. Енді ана болуға дайындалып жүр.