Жақында ғана күйеуі "Гелендваген" сыйлаған актриса Әсел Асқар ажырасып кетті

Қазақстандық актриса, әнші Бүркіттің қарындасы Әсел Асқар күйеуімен ажырасып кетті. Актриса жақында ғана күйеуінен қымбат көлікті сыйға алып, қуанышын жасыра алмаған еді. Көп уақыт өтпестен жолдасымен ажырасқанын айтты. 

Бұл туралы актриса желіде жариялады. 

Актриса ажырасуға нақты ненің себеп болғанын айқан жоқ. Алайда жолдасымен жақсы қатынаста екенін жасырмады. 

"Біз ұрысқан жоқпыз. Күйеуіммен жақсы кездерді ғана еске алғым келеді. Өзара келісіммен, жақсы мәміледе екі жаққа кеттік. Біз өзге ерлі-зайыпты секілді ұрыстық та, ренжістік те. Бірақ жақсы естеліктермен есте қаламыз. Ол жақсы жігіт. Мейірімді, адал, әділетті. Мен оны солай ғана еске аламын. Екі апта жоқ болып кетуімнің себебі де сол. Өзіммен өзім қалдым. Тыныштықты қаладым. Мен мықты адам болып көрінгім келмейді. Ажырасу маған да оңай тиген жоқ", – деді актриса.

Әсел Асқар ешкімге ұнауға міндетті емес екенін айтады. Сонымен қатар өмірдің талай сынынан өткендіктен өзін жоғалтпайтынына сенімді. 

Әсел Асқар: Анам бала күнімде менімен етеккір мен секс жайлы сөйлескен емес

"Мен бәріне ұнайтындай 100 долларлық купюра емеспін. Әркімнің өз өмірі бар. Біреу сүрінеді, біреу сынға қалады. Мен біршама қиындықты бастан өткердім. Сондықтан бұл сынақтан да өтемін. Барлық соққыны қабылдаймын және одан сабақ аламын", – деді ол. 

Әсел Асқар "ешкім ажырасу үшін тұрмыс құрмайды" деген ойын айтты.

"Ешкім де ажырасу үшін қосылмайды. Ешкім алда не күтіп тұрғанын білмейді", – деп жазды ол. 

Желі қолданушылары бәрінің хайп екенін айтып, сенбестік білдірді. Енді бірі ажырасуы тез жастарды сынға алды. 

"Осылардың қосылғаны да, ажырасқаны да тез", "Өткенде ғана мәз болып жатыр еді ғой, екі апта ойланады да ажыраса салады", "Не себепті ажырастыңыздар? Бәріне жақсы үлгі болды ғой әншілер", "Мүмкін кінә жігіттен шығар?", "Ажырасатын болсаңыздар неге көлік сыйлады? Неге сіз қабыл алдыңыз?" деп жазды олар. 

Айта кетейік, актрисаға күйеуі жақын күндері қымбат көлік сыйлап қуантқан еді.