"Артқа қадам жасау": Америкалық файтер Шавкат Рахмоновпен жұдырықтасудан бас тартты
Америкалық файтер Белал Мұхаммед Шавкат Рахмоновпен жұдырықтасудан бас тартты деп хабарлайды Stan.kz ақпарат агенттігі.
Спортшы бұл туралы MMA Talk YouTube-арнасына берген сұхбатында айтты.
"Бұл туралы менің көзқарасым мынандай: рейтингте менің алдымда тұрған Усман. Ал Дана Уайт айтқан Рахмоновпен жекпе-жек артқа қадам жасаумен тең. Мен жеңілмеген спортшыны жеңдім, ал Рахмоновта мұндай атақ жоқ. Сондықтан мен Камару Усманмен немесе Масвидальді жеңсе, Глиберт Бернспен жұдырықтасқым келеді", – деді ол.
Белал Мұхаммед өзін титулдық жекпе-жектерден басқалары қызықтырмайтынын атап өтті. Сондықтан келесі қарсыласы танымал әрі рейтингте жоғары тұрған спортшы болса дейді.
Айта кетейік, UFC президенті Дана Уайт Леон Эдвардс пен Камару Усман арасындағы жекпе-жектен кейін қазақ файтерінің келесі қарсыласы америкалық Белал Мұхаммед болатынын мәлімдеген еді. Қазір америкалық файтер жартылай орта салмақ рейтингінде 4-орында тұр, ал Рахмонов 6-орында.
"Әйелдерді ылғи ұрысқақ, долы, толық етіп көрсетеді": Қоғам белсенділері қазақ киносындағы әйелдің образы неге өзгермейтінін талқылады
