Армения Еуроодаққа кіру процесін бастау туралы заң жобасын мақұлдады
Армения парламенті республиканың Еуроодаққа кіру процесін бастау туралы заң жобасын бірінші оқылымда қабылдады. Бұл туралы Stan.kz ақпарат агенттігі хабарлайды.
Фото: pixabay.com
Парламент спикері Ален Симонянның мәлімдеуінше, заң жобасын қабылдау үшін 63 депутат дауыс беріп, шешім мақұлданған.
Айта кетейік, 9 қаңтарда Армения үкіметі елдің ЕО-ға кіру процесін бастау туралы шешім жобасын мақұлдаған болатын. Армения премьер-министрі Никол Пашинян бұл қадам елдің тікелей Еуроодаққа мүшелігін білдірмейтінін атап өтті. Оның айтуынша, бұл мәселе тек референдум арқылы шешілуі мүмкін.
Ресей вице-премьері Алексей Оверчук Арменияда ЕО-ға кіру туралы заң жобасының талқылануын елдің Еуразиялық экономикалық одақтан (ЕАЭО) шығу үдерісінің басталуы деп бағалады. Оның пікірінше, Еуроодаққа мүше болу мен ЕАЭО құрамында қалу бір-біріне сәйкес келмейді.
Еске салсақ, осыған дейін Армения премьер-министрі Астанадағы ҰҚШҰ саммитіне қатысудан бас тартқаны туралы жазған едік.