"Арманым орындалды": Серік Ибрагимов әкесіне көлік мінгізді

Танымал әнші Серік Ибрагимов әкесіне су жаңа көлік сыйлады. Бұл туралы Stan.kz ақпарат агенттігі хабарлайды. 

Фото: Видеодан скриншот

Өнер иесі отбасымен бірге көлік салонына барып, видео жариялады. 

“Достар, бүгін әкемізді қуантамыз. Арманым орындалады. Отбасымыздың атынан Айнамкөз екеуміз ақылдасып, әкемізге көлік сыйлаймыз. Баланың міндеті – ата-ананы қуанту емес пе?! Бәріңізге жұғысты болсын!”, – деп жазды әнші. 

• "Бұл – мемлекеттің ойыны": Серік Ибрагимов Талғар оқиғасына қатысты пікір білдірді

• "Өзім дайындадым": Желіге Серік Ибрагимов пен Елдос Сметовтың белдескен видеосы тарады

Желі қолданушылары ақжарма тілектерін жаударып жатыр. 

“Құтты болсын!”, “Әкемізге көлік сыйлайтын күн бізге де тусын”, “Досым, көп адамға үлгісің”, “Баршамызға ата-аналарымызға көп жақсылық жасап, разылығына бөленуді нәсіп етсін”, – деп жазды көпшілік. 

Еске салайық, Серік Ибрагимов әйелі мен өзіне алған қос көлікті көрсеткен еді.