Жуырда Алматыдағы Республика сарайында Төреғали Төреәлінің “Қазақ қызға үйленем” атты жеке шығармашылық кеші өтті. Аталған кеш басталмас бұрын отандық басылымдардың бірі әншіге хабарласып, сұхбат алмақ болған. Алайда көмекшісі журналистің сөзін соңына дейін тыңдамастан тұтқаны қойып жіберген. Осы уақытқа дейін журналиске әншінің қазақстандық газеттерге сұхбат бергісі келмейтіндігін айтқан екен.

“Хабарласқанымызды қайтейік, сөзіміздің соңына дейін тыңдамастан, тұтқаны қоя салды. Тілшілермен неге тілдескісі келмеді? Бұл әншінің көзқарасы ма, әлде менеджерінің қалауы ма? Ұққанымыз – әнші газетке сұхбат беруден қашатын секілді. Не себепті? Соңғы кездері мұндай үрдіс әншілердің арасында көбейіп кетті. Сонда олардың қазақ басылымдарын менсінбегені ме? Тіпті кейбірі газет оқымайтындықтарын, қазақ баспасөзінен мүлдем хабарсыз екендіктерін жасырмайды. Бұл не? “Жұлдыздық” па, әлде менмендік пе?”, – дейді Айқын басылымының журналисі Жадыра Пердебайқызы.

Журналист өз мақаласында жұлдыздардың дәл осылай “менменсінуіне” басылымдардың өздері кінәлі екенін жасырмайды. Десе де, Төреғали Төреәлі мырзаның дәл осылай жарқырап жүруіне қазақ басылымдарының да үлес қосып жатқанын ұмытпаса екен дейді.

“Төреғалидың жұлдыз “ауруына” шалдыққаны алғаш емес. “Алло” әніне байланысты да қоңырау шалып, хабарласа алмағанбыз. Онда да телефон тұтқасын көтерген “көмекшілері” газет тілшісімен тілдесе алмайтындығын жеткізген еді.

Халықтың көзі, құлағы, һәм тіліне айналған қазақ баспасөзі Төреғалиға керек болмаса, Төреғалидың да қазақ журналистеріне қажеті бар ма? Телеарналардан жиі “жылтыңдаса” өздерін жарық жұлдыз санайтындар көбейіп тұр. Кейде әншілердің осылай “ауруға” шалдығуына өзіміз кінәлі секілдіміз. Жарқыратамыз деп сары мысты алтынға айналдырып аламыз да, оның алтын емес, мыс екенін көпке дәлелдей алмай қалатынымыз тағы бар”, – деп журналист орыс тіліндегі ақпарат көздері де, орыстілді БАҚ-та қазақ әншісін насихаттауға мәжбүр еместігін айтып өтті.

Әзірге әншінің қазақ басылымдарына не себепті сұхбат бергісі келмейтіні белгісіз. Мұның жұлдыз ауруы немесе тығыз жұмыс кестесі екендігі де тек әншінің өзіне мәлім.

Оқи отырыңыз:

Қабатов татуласқан Ерке мен Төреғалидің продюсерлерін әжуалады (видео)

Сіз расымен де Төреғали Төреәлінің тыңдарманысыз ба?

Төреғали Төреәлі Еркені сынаймын деп Есентаевадан сөз естіді

Төреғали Төреәлі мен “Орда” солистерінің арасындағы дау өрши түсті

Талқылау