"Әнші болмай-ақ қой": 20 жыл бұрын Сәкен Майғазиев бата берген бала Гарвардқа оқуға түсті

ҚР мәдениет қайраткері, әнші Сәкен Майғазиев осыдан 20 жыл бұрынғы оқиғаны бөлісті. Бұл туралы Stan.kz ақпарат агенттігі хабарлайды. 

Фото: https://www.instagram.com/saken_maigaziyev/

Отандық шоу-бизнес өкілі жас кезінде үйінде қонақ болып, бата берген бала Гарвардқа оқуға түскенін хабарлады. 

“Екі күн бұрын орталық клиникалық аурухана дәлізінде жүзінен нұр төгілген келіншек пен оның қасындағы 16 жас шамасындағы қызымен жылы ұшырап амандастық. Шырамытқаныммен, танымадым. Сөйтсем, 19 жыл бұрын, яғни 2005 жылы жер жәннаты Жетісуда бұл кісілердің қара шаңырағында қонақта болыппыз. Сол үйдің көз қуанышы, еркесі осы суреттегі Сезім есімді баланы (шамамен 2-3 жаста болса керек) ата-анасы менің қолыма ұсынып, аузына түкіруімді өтініпті. Алланың қалап, аузыма салып тұрғаны ғой, кішкентай Сезім ұлымызға ақ жол, жарқын болашақ тілеп: "Сен әнші болмай-ақ қой, сен асқан білім мен ғылымның иесі бол” деп бата беріппін. 30 жасымда не деген бата десеңші!", – деп жазды әнші. 

• "Екінші сәбиімізді 15 жыл күттік": Сәкен Майғазиев ел алдында жан сырын ақтарды

• "Жанды дауыс": Алматының экс-әкімі Ахметжан Есімов Серікбол Сайлаубектің үйлену тойында ән шырқады

Әншінің айтуынша, сол бала Талдықорған қаласындағы Назарбаев зияткерлік мектебін аяқтап, Гарвардқа оқуға түскен екен. 

“Сезім Ертаңатов әлем бойынша 55 мың үміткердің ішінен топ жарып, 2021 жылы Гарвард университетінің оқу грантына ие болыпты. "Сезім Гарвард" деп "гуглдата" қойып едім, Сезім Ертаңатов туралы ақпарат атып шықты. Айтқым келгені, бір бірімізге жақсылық тілеп, жақсы сөйлеп, жақсы ойлап, қолдап, демеп жүрейікші. Жақсы сөз – жарым ырыс", – деп ағынан жарылды эстрада жұлдызы. 

Еске салайық, Сәкен Майғазиевтің әйелі орысша жаңылтпаш айтып, жұртты күлдірген еді.