Анна Данилина Лондонда өткен шөптегі турнирдің жартылай финалына шықты
Қазақстандық теннисші Анна Данилина Лондонда өтіп жатқан WTA 500 санатындағы шөптегі турнирдің жартылай финалына жолдама алды. Бұл туралы Stan.kz ақпарат агенттігі хабарлайды.
Ол ресейлік серіктесі Диана Шнайдермен жұптасып, ширек финалда австралиялық Сторм Хантер мен америкалық Дезире Кравчикті 7:6 (7:4), 6:4 есебімен жеңді. Бұл жұп турнирге екінші нөмірмен тіркелген.
Данилина үшін бұл — "Ролан Гаррос" турнирінен кейінгі алғашқы жарыс. Францияда өткен додада ол финалға дейін жетіп, WTA жұптық рейтингінде жеке рекордын орнатып, тоғызыншы орынға көтерілген еді.
Енді Данилина мен Шнайдер финал жолдамасын үшінші нөмірлі жұп — австралиялық Эллен Перес пен қытайлық Чжан Шуайға қарсы сарапқа салады.
Айта кетейік, турнир шөп маусымының бастамасы саналады. Қазақстанның өзге өкілдері — Елена Рыбакина мен Юлия Путинцева да жұптық сында өнер көрсеткен, алайда жартылай финалға өте алмады.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды