Басылымның дерегінше, S&P 500 индексі бейсенбі күні 5%-ға жуық төмендеп, 2020 жылдың маусым айынан бергі ең нашар нәтиже көрсетті. Сол кезде әлем COVID-19 таралуынан туындаған дағдарыс орталығында болған еді. Бұл индекс алдыңғы алты аптаның бесеуінде құлдырап кетті. Түзету аймағына енді төмендегеннен кейін қайта қалпына келтіру аймағына кіріп, соңғы шарықтау нүктесінен 10%-дан көп төмендеді. Бұл – инвесторлар үшін маңызды көрсеткіш.

Инфляциялық болжамдардың көрсеткіштері күрт өсті. Бұл экономикалық дағдарысқа деген алаңдаушылықты арттырып, доллардың "Үлкен ондық" елдерінің валюталарына қатысты әлсіреуіне әкелді. Инвесторлар сенімді активтерге, мысалы мемлекеттік облигацияларға бет алды.

Трамп пен оның әкімшілігі нарықтағы турбуленттілікке мән бермей, керісінше, акциялардың қайта қалпына келетініне сендірді.

"Нарық дамиды", – деді Трамп 31 наурыз күні айтқан мәлімдемесінде.

АҚШ-тың вице-президенті Джей Ди Вэнс Newsmax арнасына берген сұхбатында өткен күнгі қор нарығының құлдырауын "бір ғана сәтсіз күн" деп атады.

Айта кетейік, Трамптың сауда соғысын бастау туралы шешімі АҚШ биржаларында соңғы бес жылдағы ең үлкен құлдырауға әкелді. Бір күн ішінде индекстер үлкен төмендеуге ұшырап, ең бай адамдар 208 миллиард доллар жоғалтты. Бұл оқиға АҚШ-тағы қор нарығында 2020 жылдан бергі ең үлкен құлдырауды тудырды.

Зауыттар кідіріп, өндіріс баяулайды: Трамп енгізген баж салығының Қазақстанға ықпалы қандай

Трамп Қазақстан тауарлары үшін баж салығын көтерді: Сауда министрлігі жаңа тарифтың экспортқа айтарлықтай әсері жоқ екенін айтты

Еске салайық, бұған дейін АҚШ президенті Дональд Трамп Ақүйде өткен баспасөз мәслихатында 180-нен астам елге жаңа сауда тарифтерін енгізетінін мәлімдеді. Олардың қатарында Қазақстан және бұрынғы Кеңес Одағының басқа да мемлекеттері болғанымен, тізімде Ресей жоқ. Айта кету керек, Қазақстан жоғары тарифтер енгізілген елдердің қатарында. Қазақстанға осы өңірдегі ең жоғары мөлшерлемелердің бірі – 27% белгіленді.

Талқылау