Америкалық компания ҚТЖ-ға жаңа локомотивтерін 200 миллиард теңгеге сатпақ
"Қазақстан темір жолы" америкалық Wabtec компаниясынан жалпы құны 405 миллион доллар (195 миллиард теңгеден аса) болатын жаңа локомотивтерді сатып алады. Бұл туралы Stan.kz ақпарат агенттігі Businesswire.com порталына сілтеме жасап хабарлайды.
Фото: rail-news.kz
Wabtec компаниясы жаңа локомотивтердің "Қазақстан теміржолы"-ның ескірген паркін жаңартуға көмектесетінін атап өтті.
"Қазақстан теміржолы" Қытай мен Батыс арасындағы жүк тасымалдауда маңызды буын ретінде қызмет атқарады. Evolution сериялы локомотивтері тиімділікті, сенімділікті қамтамасыз етеді және қызмет көрсету шығындарын үнемдеуге көмектеседі. Бұл Транскаспий халықаралық көлік маршрутына түсетін жүктемені тиімді түрде азайтуға мүмкіндік береді", – деді Wabtec компаниясының ТМД, Еуропа, Таяу Шығыс және Африка бойынша операциялар жөніндегі аға вице-президенті Гохан Байхан.
Жаңа локомотивтер экстремалды ауа райы жағдайларында жұмыс істеуге және таулы жерлерге бейімделген. Олар ҚТЖ-дағы қазір пайдаланылатын ескі локомотивтермен салыстырғанда, техникалық қызмет көрсету мен жөндеуді ұзақ уақытсыз өткізе алады. Бұл Қазақстанның маңызды көлік торабы ретіндегі рөлін нығайтуға тиіс. Локомотивтерді америкалық компания өз технологиялары бойынша өндірсе де, олар Қазақстанда, яғни Астанадағы АО "Локомотив құрастыру зауыты" зауытында жинақталады.
"Заводта MC ISO 9001–2015 сияқты барлық халықаралық сапа стандарттары сақталады. Кәсіпорында 700-ден астам адам жұмыс істейді", – деп хабарлайды Wabtec.
Жаңа локомотивтердің жеткізілімі 2025 жылдан басталады. Компаниядағылар ҚТЖ паркінде қазірдің өзінде 451 Evolution сериялы локомотиві бар деп толықтырды.
ҚТЖ локомотив паркін елеулі түрде жаңартуды жоспарлап отырғаны туралы 2024 жылдың ақпанында хабарланған еді. Wabtec-тің есептерінен америкалық компанияның "Локомотив құрастыру зауытына" толық бақылауға алған. Бұған дейін Wabtec Ресейдің АО "Трансмашхолдинг" компаниясымен акцияларының теңдестірілуі бойынша жартысын иеленген еді. "Трансмашхолдинг" санкцияларға байланысты Қазақстаннан кеткендіктен америкалық компания кәсіпорынның үлесін толық сатып алды. 2022 жылдың қыркүйек айында "Қазақстан теміржолы" Wabtec-пен өзара түсіністік туралы меморандумға қол қойды.
Қазақстандық нарықта америкалықтарға бәсекелестік көрсете алатын компания – Астанада тіркелген ресейлік "Қамқор Локомотив". Тамыз айында ол Ақмола облысында ірі кәсіпорын салу жоспарлары туралы мәлімдеді.
Еске салайық, бұған дейін "Қазақстан темір жолы" ұлттық компаниясы "ҚТЖ-Жүк тасымалы" еншілес ұйымында ішкі тексеріс барысында 56 миллион теңгеден астам қаржының ұрланғанын анықтады. ҚТЖ құқық қорғау органдарына қылмыстық-процессуалдық заңнама шеңберінде кінәлі тұлғаларды анықтап, материалдық шығынды өтеу бойынша шаралар қабылдау туралы өтініш жолдады.