Америкаға кеткен Еркебұлан Тоқтар елге қайта оралды
Танымал актер әрі поп-ММА өкілі Еркебұлан Тоқтар бұған дейін үш айға АҚШ-қа көшіп кеткен еді. Ал бірнеше күн бұрын ол елге қайта оралды. Бұл туралы Stan.kz ақпарат агенттігі хабарлайды.
Өнер иесінің айтуынша, жоспарланған жекпе-жегі өтпейтін болған. Ол оның орнына Арменияда Марсель Нұрланбековпен жұдырықтаспақ.
“Мен АҚШ-қа кеткен кезде кезекті жекпе-жегім ММА бойынша өтуі керек еді, мен сондықтан дайындалуға бардым. Себебі ол жақта 50-60 адам жүреді, дайындалуға серіктес өте көп. Осыған байланысты ММА бойынша тез дамисың. Бірақ ол өтпейтін болды”, – деді ол.
Поп-ММА өкілі келесі жұдырықтасуына бокс арқылы дайындалатынын, ал боксқа елімізде де жақсы дайындалуға болатынын айтты.
“Сөйтіп Марсель Нұрланбековпен жұдырықтасатын болдым. Ал оған мен бокс арқылы дайындаламын. Бокс бойынша мені Әлішерден артық кім дайындайды? Иә, мен жаттықтырушылар іздедім, бірақ босктың отаны Лос-Анджелесте, ал Майамиден іздеу керек болады. Бізде іздемейсің, екінің бірі боксшы деуге болады. Сөйтіп Алматыға қайтып кеттім”, – деді ол.
2026 жылға арналған Ораза кестесі жарияланды
Айта кетейік, Еркебұлан Тоқтар қазіргі таңда ең танымал медиа жауынгеріне айналды. Ол соңғы жекпе-жегін 27 желтоқсанда Ташкенттегі "Хумо Аренада" өткізді. Жерлесіміз өзбекстандық Тимур Никулинмен жұдырықтасып, айқасты алғашқы раундта техникалық нокаутпен жеңді.
Еске салайық, бұған дейін Еркебұлан Тоқтар елден кететінін мәлімдегені хабарланған.
"233 миллиард теңгенің ұмытылмаған сабағы": Шығыны көп, пайдасы аз Азия ойындары бізге не үшін керек?
