Amanat партиясының төрағасы президент сайлауына Қасым-Жомарт Тоқаевтың кандидатурасын ұсынды
Астанада Amanat партиясының кезектен тыс XXIV съезі өтіп жатыр. Съезд барысында партия төрағасы Ерлан Қошанов президент сайлауына Қасым-Жомарт Тоқаевтың кандидатурасын ұсынды, деп хабарлайды Stan.kz ақпарат агенттігі.
Партия съезі барысында Amanat атынан президент сайлауына қатысатын үміткерді анықтау және саяси платформасын нақтылау мәселелері қаралады. Ерлан Қошанов өз сөзінде партия атынан сайлауға қатысатын кандидатты ұсынды.
"Қазіргі әлемдегі күрделі жағдайда, алмағайып уақытта бізге ең әуелі мемлекеттік жауапкершілікті терең сезінетін тегеурінді тұлға керек. Біз өткенге кері қайтпауымыз керек. Ауқымды өзгерістер өзінің заңды жалғасын табуы тиіс. Ал мемлекет алдында тұрған ұлы мақсат-мұраттарға қол жеткізу үшін бізге лайықты көшбасшы керек. Сондықтан президенттікке үміткер ретінде Қасым-Жомарт Кемелұлы Тоқаевты ұсынамын!” – деді ол.
Съезд барысында қатысушылар Қасым-Жомарт Тоқаевтың кандидатурасын бір ауыздан қолдады.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"